Exultet

Oratorio de Pascua, 'Kommt, eilet und laufet'', BWV 249, de J.S. Bach

Exultet iam angelica turba caelorum:

exultent divina mysteria:

et pro tanti Regis victoria tuba insonet salutaris.

Gaudeat et tellus tantis irradiata fulgoribus:

et, aeterni Regis splendore illustrata,

totius orbis se sentiat amisisse caliginem

Laetetur et mater Ecclesia,

tanti luminis adornata fulgoribus:

et magnis populorum vocibus haec aula resultet.

...

O vere beata nox,

quae sola meruit scire tempus et horam,

in qua Christus ab inferis resurrexit!

Haec nox est, de qua scriptum est:

Et nox sicut dies illuminabitur:

et nox illuminatio mea in deliciis meis.

Huius igitur sanctificatio noctis fugat scelera, culpas lavat:

et reddit innocentiam lapsis

et maestis laetitiam.

Fugat odia, concordiam parat

et curvat imperia.